2010年1月15日係最後一日考試（考CL），考完試無野做，又未夠鐘上法文，就約左某人去遊下河。
係屋企落去鴻興食野，食完出來見到1048行46X！ 
今次終於影到低地台雙層車行愛綫 XD。然後係搭車落香港站既時候見到有架PB牌ASC係上環操車……去到香港站打比某人，佢話啱啱放學，要返屋企換衫，咁我就係香港站兜個圈兼影相啦。上到車再打比佢，佢都未出得來，於是原本話係南昌站或者旺角東等，逼於無奈就入左青衣站等。青衣呢個站真係大，又多層……青衣近排翻新緊，開左G出口通去青衣城（二樓）（實際上係馬莎百貨）。某人依然未出到來，於是我就出左閘行下。行下行下出左青衣站公共運輸交匯處，忽然醒起愛車KX 675係掛279X……可惜見唔到。
等左好耐某人終於出現，於是就一齊落左南昌站。係南昌站轉乘西鐵綫，本來打算一直坐到紅磡站轉東鐵綫，就係呢個時候某人話柯士甸站出左新版站指，咁就落車上左CuC攞，順便去小解。「柯士甸」果然名副其實，個廁所真係好ＸＸ….. 
之後搭西鐵綫去紅磡，再轉東鐵綫去旺角東站。旺角東經過港鐵一番翻新之後，真係越來越靚。
跟住上左車入沙田區，本來打算係沙田站出閘，今次就玩玩新意思，轉馬鐵綫
入車公廟落車再行過去沙田市中心。係大圍站成功取得ATD後，登上了馬鞍山綫列車。去到車公廟站（係第一次係車公廟站出閘），後面果兩個出口（A/C）形同虛設……沿車公廟路接獅子橋過城門河，係車公廟路夾獅子山隧道公路果條行人隧道好大陣香（incense）味。
守得雲開見乙明
沙田尐路出名闊，環境怡人。沿獅子橋過河，轉入沙田公園，係「結客場」（唔記得係咪咁叫）果度見都好多個有矇人樣既牌，有一塊寫住「氯小姐」……Miss Chlorine? 跟住行返入沙田市中心，落沙田市中心巴士總站打算去九巴客務中心，點知食飯時間唔開……出到來，見到一連幾架九巴訓練巴（有蘭同龍）出來，成功影曬。
沙田站較早前將客務中心合併至前九鐵客務中心個位，都幾多人用。行出沙田站PTI，無甚看點，再行落排頭街PTI，見到城記非專1483係度……此車當然謀殺我不少菲林了。然後上車去火炭拎SI，見到又有乘客被查票，睇怕又係非法搭頭等。跟住就坐車出返灣仔。
沙田真係一個怡人嘅花園城市，比起偽怡人嘅日出康城好好多。
